Оцет за чистење на машината за перење е скапа грешка: Еве што ќе се случи ако таблети за садови ставите во машина за алишта

Добивај вести на Viber

На интернет често се појавуваат совети за одржување на домашните апарати, меѓу кои и оној дека таблети за машина за садови можат да се користат за чистење на машината за перење алишта.

Со текот на времето, во бубњот на машината се собираат остатоци од детергент и нечистотија, поради што облеката може да не излегува сосема чиста. Затоа многумина пробуваат различни трикови, но експертите предупредуваат – секој производ треба да се користи за намената за која е создаден.

Според Бернд Гласл од германското здружение за козметика и детергенти, користењето производи на погрешен начин може да биде ризично. На пример, чистење со оцет не се препорачува, бидејќи може да ги оштети металните и пластичните делови на машината.

Сепак, пуштање на празна машина со таблетa за садови наместо детергент, дури и на 90 °C, не претставува проблем и може ефикасно да ја исчисти внатрешноста. Активните состојки се слични кај двата вида детергенти – разликата е што оние за садови немаат мирис, додека за облека се додаваат мирисни компоненти.

Кафеавата течност што понекогаш се појавува по чистењето е доказ за наталожени остатоци од претходна неправилна употреба. Редовно чистење на филтерот и правилно дозирање на детергентот се клучни за долготрајна работа на машината.

Таблетите за садови можат да се користат и за други задачи: чистење на мијалник и одводи, микробранова рерна, метални садови, па дури и плочки и фуги — но секогаш со претпазливост и на мала површина прво.

Со правилна нега, апаратите ќе траат подолго и ќе работат поефикасно — мал трик кој може да заштеди и време и пари.