Погледнете во домот на легендарната Лепа Лукиќ: Во него никогаш не се слушна детска смеа
Од 2004 година, домот на пејачката Лепа Лукиќ е простран стан во Жарково- Белград. Таму се преселила пред повеќе од една и пол деценија на барање на нејзината мајка, на која многу и пречела градската гужва, особено звукот на трамвајот на Дорчол.
Мајката на Лепа во тој период била многу болна, и била потребна посебна грижа, па пејачката не размислувала многу за да го продаде имотот во центарот и да се пресели во периферијата, каде што стекнала прекрасни пријатели кои и помагаат околу средувањето и украсувањето.
- Мајка ми не можеше да спие ноќе. Затоа решив да го продадам тој стан и да купам имот на периферијата. Многу ми се допадна овој дом, бидејќи е простран, има четири соби и голема тераса од која се гледа цел Белград. Многу ми се допаѓа и никогаш повеќе не би живеела во центарот. Воздухот е подобар, и многу ми е важно што сум на првиот кат, бидејќи од кога се сеќавам се плашам од лифтови - изјави претходно Лепа за медиумите и додаде:
- Се средував сама по сопствен вкус и согласно моите потреби. Кога се преселив купив нови работи, а никогаш не побарав помош од стручно лице за уредување на просторот за живеење, бидејќи мислам дека можам сама да ја завршам работата.
Домот на Лепа Лукиќ е украсен со прекрасна црвена кујна во која таа го поминува можеби дури и поголемиот дел од своето време бидејќи обожава и знае да прави секакви јадења.
- Готвам многу добро и често ги учам моите пријатели да прават некои од моите специјалитети. Неодамна почнав да јадам според правилата кои беа воспоставени врз основа на мојата крвна група. На секои три месеци одам на тест каде што лекарите одредуваат која храна можам и не можам да јадам. Се хранам здраво, купувам брашно од овес или хељда и си правам леб, можам да јадам телешко, мисиркино, пилешко и коњско месо. Има и специфични видови на овошје и зеленчук што можам да ги јадам - вели Лепа.
На куклата Милица и е опремена една соба која ја доби од „Емоушн“ по излегувањето од реалното шоу Велики Брат. Тоа катче и е свето.
Лепа сака мир и тишина, што е разбирливо со оглед на нејзините години и работата со која се занимава, но не крие дека духот на девојката не ја напуштил и постојано оди некаде.
-Јас сум жилава и немам мир, па не ги разбирам луѓето кои се затвораат во куќата и не се грижат за ништо друго. Кога ќе се изморам од патување и настап, сакам да се одморам во мојот стан, но по неколку дена дома барам друго занимање. Не одам по кафеани, но затоа сакам да пазарувам и да посетувам трговски центри со моите повеќедецениски пријателки Надица Брекиќ и Мира Ковачев. Трите одиме секаде заедно, а кога сум на пат ми ја чуваат куќата. Кога мајка ми беше болна се грижеа за неа, љубовта меѓу нас е обострана, многу се сакаме – заклучила таа.
Фото: YouTube принтскрин
извор: Стори.рс
