Поради лекарска грешка остана инвалид: Омилената актерка во Југославија доживеа невидена трагедија
Таа беше една од најубавите и најталентираните актерки во поранешна Југославија, а потоа доживеа трагедија која целосно ѝ го промени животот
Актерката Мерима Исаковиќ важеше за една од нашите најубави и најпочитувани актерки во тоа време. Никој не можеше да остане рамнодушен на нејзината убавина, а многумина ѝ предвидуваа блескава кариера.
Сепак, низа несреќни околности доведоа до голема трагедија, по што нејзиниот живот доби сосема поинаков тек.
Имено, Мерима во раните дваесетти години доживеа тешка сообраќајна несреќа во Белград предизвикана од пијан возач, во која се здоби со тешка повреда на 'рбетот.
- Во автомобилот бев заедно со брат ми, како и со нашиот пријател Недим, кој во тоа време служеше воен рок. Несреќата ја предизвика пијаниот полицаец Предраг Милојевиќ кој се враќал од пијана забава во хотел „Југославија“. Кога милицијата дошла на местото на настанот, тој како нивен шеф практично сам ја вршел истрагата. Бил толку пијан што воопшто не можел да излезе од автомобилот. Дури кога поради Недим дошла воената милиција да истражува, Милојевиќ морал да дува, па како виновен бил запишан во записникот. Брат ми се здоби со контузија на бубрегот, Недим беше префрлен во болница со тешки повреди на главата, а мене ми беше констатирана тешка повреда на 'рбетот со најтрајни последици - изјави претходно актерката за локалните медиуми.
Како што тогаш истакна, докторката направила грешка при операцијата, по што таа станала инвалид. Подоцна се лекувала во Русија, Украина и Кина, а токму за време на рехабилитацијата во Кина го запознала сопругот Владимир, со кој доби син.
Двојката подоцна се разведе, а Мерима се пресели во Нов Зеланд во 1996-та година, а потоа во Австралија, каде што работи како професор по клиничка психологија.
Никогаш не дозволи несреќата да ѝ го уништи животот, а како што вели сакала да му подари на синот среќно детство.
- Сакав да го спасам син ми, а исто така не сакав да гледа како умира душата на Белград, градот на моето раѓање и детство - признала Мерима.
Извор: www.espreso.co.rs
