„Пред и потоа“ на медицинска сестра на фронтот со Ковид-19: Трагата на носот исчезнува дури пред почеток на следната смена
Медицинска сестра од Тенеси, САД споделила фотографии пред и потоа, кои го покажуваат влијанието на осум месеци работа на фронтот за лекување на КОВИД-19.
Американската држава досега имаше повеќе од 338 000 потврдени случаи на коронавирус, со 4.254 смртни случаи. Низ целата земја има повеќе од 12,5 милиони случаи и 258 000 смртни случаи.
Катрин е една од безбројните медицински работници на фронтот на пандемијата. Додека постојано се храниме со статистички податоци за оние кои страдаат од вирусот, нејзините фотографии го илустрираат данокот на оние кои работат на одделенијата во текот на изминатата година.
27-годишната девојка разговараше со „Метро“ за своето искуство во лекувањето со Ковид-19 откако нејзиниот твит на „Твитер“ стана вирален. Таа објави две слики, со опис: „Како започна...како оди“.
Првата ја покажува Кетрин откако дипломираше, додека пак втората ја покажува на крајот од смената, со ознаки на лицето од носење заштитна маска со часови.
Таа изјави:
„Во саботата вечерта бев среде смена, штотуку излегов од собата на пациентите и штотуку ја извадов заштитата. Ја имав сликата од дипломирањето во глава и сакав да ја покажам разликата што може да ја направат неколку месеци и реалноста да се биде медицинска сестра во пандемијата.“
Кетрин работи циклус од три смени од 12 и пол часа и три слободни дена. Додека повеќето траги на лицето постепено бледнеат по неколку часа, таа вели: „Онаа на мојот нос исчезнува точно на време за почетокот на мојата следна смена“.
Болницата во моментов се бори со уште еден наплив на коронавирус, по претходното зголемување во јули. Сепак, со Божиќ и Денот на благодарноста на повидок, таа стравува дека можеби претстои најлошото.
