Романтична есен со стил: Како да останете шик дури и кога врне
Есента повикува со своите шарми и никој не може да ѝ одолее – совршена температура за градски прошетки, опуштени моменти и стилизирање кое може да биде и разиграно и ултра-креативно, дури и кога небото ќе одлучи да плаче.
Дождливите денови понекогаш можат да изгледаат како предизвик, но со вистинските парчиња во вашиот гардеробер, секое излегување може да стане модна авантура. Првото златно правило? Обувки кои можат да издржат сè - без разлика дали се тоа вашите омилени патики, елегантни чизми или, се разбира, иконските ловџиски чизми кои принцезата Дајана ги обожаваше. Стилот и практичноста одат рака под рака, а вашите стапала остануваат суви.
Совет број два: слоевитото носење е вашата тајна моќ. Комбинирајте трендовски мантил со кошула, овесајзд џемпер или маица и подготвени сте за секаков дожд или промена на температурата. За дополнителен моден шарм, додадете тексас јакна или стилски кардиган, каубојски чизми и елегантен чадор во рака – моментален градски шик изглед! Не заборавајте: изберете панталони и здолништа до глужд. Дождот не смее да го расипе аутфитот, а сакате секој чекор да изгледа гламурозно.
Инспиративни комбинации за дождливи есенски денови ве очекуваат во фото галеријата.
РЖМ/Извор: Женскимагазинрс/Фото
instagram/luxandbeautyworld/
