Блескава македонска премиера во Венеција: Теона, Номи и екипата на „МАЈКА“ оставија моден печат на црвениот килим
Со долг аплауз и стоечки овации, филмот „МАЈКА“ на Теона Стругар Митевска ја имаше својата светска премиера на 81. Венециски филмски фестивал, но она што подеднакво пленеше внимание – освен приказната за идната Мајка Тереза – беа и модните изданија на црвениот килим.
Најпрво, режисерката Теона Стругар Митевска се појави во впечатлива кафена комбинација во кожа – кошула и здолниште со модерен oversize крој. Храбар избор кој одлично ја рефлектира нејзината силна и урбана енергија.
Во центарот на вниманието, секако, беше Номи Рапас, која ја игра главната улога на младата Тереза. Таа избра елегантна црна тоалета со голи раменици и впечатлив крој, дополнета со блескав накит на рацете. Целосно sophistication, но и моќна порака – комбинација што ја истакнува како модерна икона.
Силивија Хукс пак, донесе гламур во темно-златна, барокна креација што одлично ја спои луксузната текстура со современата силуета.
Македонската екипа, предводена од актерот Никола Ристановски, беше доследна на класичната црно-бела елеганција, со smoking комбинации што секогаш доминираат на црвениот килим. Женскиот дел од тимот пак, донесе разновидност: од смела бела тоалета до маслинесто зелена креација што внесоа свежина и различност.
Модната порака на премиерата беше јасна – македонската кинематографија не само што има што да каже на филмското платно, туку и стилски рамноправно чекори со светот.
Филмот веќе е продаден за дистрибуција во над 15 земји, а овој црвен килим покажа дека и Македонија може да изгледа подеднакво гламурозно и автентично на најголемите филмски сцени.
РЖМ/ИС
ФОТО: Официјален Фејсбук профил Агенција за фил
