„Ми рече дека секогаш ќе го сака првото дете повеќе од нашите деца“: Девојка згрозена од изјавата на момчето со кое планира семејство
Неименувана 21- годишна жена сподели колку непријатно се изненадила по коментарите на партнерот и признала дека не е сигурна дали треба да продолжи со својата емотивна врска или сега е најдобро време да ја прекине.
Како што ќе потврдат многу родители, кога ќе го добиете вашето прво дете, можеби се прашувате како е можно да сакате некого со интензитетот што го сакате вашето бебе. Но, се чини дека секогаш има повеќе љубов, особено ако планирате да имате повеќе деца во иднина.
Меѓутоа, една жена останала да се прашува дали тоа е вистина откако нејзиниот партнер изјавил дека секогаш ќе го сака своето прво дете повеќе од кое било друго што би можело да го има подоцна. Неименуваната жена, која има само 21 година, по овој коментар го споделила својот бес на интернет, пишува Мирор.
Во анонимно писмо на форумот Netmums „Дали сум неразумна“, таа напиша: „Размислувам да раскинам со мојот партнер бидејќи тој ми кажа дека секогаш ќе го сака своето прво дете повеќе од сите други деца што ќе ги има. Тој ова го оправда со објаснување дека тоа е првото дете што го одгледал и бидејќи искусил толку многу работи за прв пат со него, сосема е природно да е така. Слушајќи го неговото мислење ме тера да се прашувам дали воопшто треба да останам во таква врска“.
Жената понатаму вели дека се обидела да разговара за оваа „тешкотија“ со нејзиниот партнер, а тој се обидел да ја увери дека нивното прво дете ќе биде „посебно“ бидејќи тоа ќе биде првото што го имаат заедно. Во исто време, ова објаснување малку ги променило нејзините чувства.
„Чувствувам дека тоа не е точно со оглед на тоа што го кажа и не би сакала моите идни деца да се справуваат со фаворизирање. Не сум му кажала како се чувствувам за она што ми го кажа за своето дете бидејќи се плашам дека одговорот ќе биди ист“.
Голем број родители се огласија на нејзината објава, охрабрувајќи ја жената да не се грижи премногу за неговите коментари.
„Да бидам искрен, не би го земал многу при срце. Мислам дека многу луѓе се грижат дека нема да ги сакаат другите деца како првото. Мојот поранешен, а очигледно и татко ми.. Мислам дека своите деца да ги сакаш повеќе или помалку не е опција. Мислам дека тоа што го рекол било малку бесчувствително, но се сомневам дека идните деца би биле помалку сакани“.
„Верувај ми, нема разлика помеѓу тоа колку го сакаш секое дете и тој не може да го каже тоа додека нема друго, тогаш ќе каже дека не мислел дека може да го сака второто како првото“. Трет додаде: „Мојот партнер го кажа тоа за нашето второ дете кога бев бремена. Тој рече дека секогаш ќе го сака нашето прво, но кога се роди второто, го сакаше истото, а сега ги сака подеднакво“.
Фото: freepik
Извор: Мирор
