„Ми замина најголемата љубов“: Болката на Дарко Илиевски по загубата на мајка му ги допре срцата на сите
Македонскиот пејач Дарко Илиевски, кој веќе извесно време живее и создава во Америка, со тешка болка ја сподели најтажната вест — починала неговата мајка, неговата најголема љубов и најсилна животна потпора. Во неколку редови исполнети со тишина, кршливост и неизмерна болка, тој напиша:
„Со голема болка ве известувам дека денес си замина и мајка ми… Болката е преголема, тишината боли. Ми замина најголемата љубов. Мамо, те сакам најмногу. Чувајте се со тато.“
Дарко упати и силна порака до сите што ги имаат своите родители покрај себе: да застанат, да се јават, да кажат „те сакам“ – затоа што животот е непредвидлив, а еден ден таа можност ќе биде неповратно изгубена.
Својата болка ја сподели и неговата сопруга Ивана, која за свекрвата напиша потресни зборови:
„Твоето заминување остави празнина што никогаш нема да се пополни. Ми беше како мајка… поддршка, утеха и тивка сила во мојот живот. Ти благодарам за секој совет, секоја прегратка и целата љубов што несебично ја даваше. Нека Господ те прегрне со Својата светлина и да ти подари вечен спокој. Секогаш ќе боли.“
Еден трогателен потсетник дека мајчината љубов е незаменлива, а нејзиното заминување остава тишина што одамна не се слушнала.
РЖМ/ИС -Фото: инстаграм
