Празнична мода: ТОП три комбинации во режија на малата Тара и мама Христина
Празниците се за топлина, блесок и семејни моменти, а познатата инфлуенсерка Христина Пан секоја година знае како да ги претвори во вистинска бајка. Овој пат, заедно со својата ќеркичка Тара, создадоа најсладок моден празничен дуо-момент кој ги освои социјалните мрежи.
На првата комбинација, мајка и ќерка блескаат во нежни пастелни тонови. Малата Тара изгледа како вистинска снежна принцеза во бело-златна празничен туту-фустан кој совршено се вклопува со топлиот џемпер на Христина и широките елегантни панталони во сиво. Комбинација што го спојува удобното со свеченото — идеална за празнично утро дома.
Вториот стајлинг е чиста радост: двете носат идентични каро-фустани во препознатливата божиќна комбинација на црвено и црно. Слатки, разиграни и совршено усогласени, Христина и Тара го доловуваат духот на празниците со едноставна, но впечатлива комбинација што секоја мајка би ја посакала за празничните фотографии.
Третата празнична визија е полна со енергија и љубов — црвени блузи комбинирани со црни долни парчиња. Христина оди на поелегантна, женствена варијанта со мини здолниште и хулахопки, додека Тара носи слатки црни панталончиња со детски шарм. Двете заедно испраќаат бакнежи кон камерата, а фотографијата зрачи со празнична топлина.
Христина уште еднаш докажува дека модата може да биде игра, уживање и заеднички момент со детето. Нивните празнични комбинации се инспирација за сите мајки кои сакаат да создадат спомени што ќе се паметат — со стил, нежност и многу љубов.
Погледнете го видеото:
РЖМ/ИС - ФОТО: Printscreen instagram video
