Ново Zen искуство во Белград - свечено отворен ресторанот ZEN by SushiCo

Добивај вести на Viber

Белград доби нова гастрономска оаза! На вториот кат од ТЦ Галерија, во импресивен ентериер и со најубав поглед кон градот, ZEN by SushiCo во средата свечено ги отвори своите врати. Ресторан кој ветува искуство што ги спојува вкусот, мирот и естетиката во совршен баланс.

Со инвестиција вредна 1 милион евра, новиот Zen by SushiCo претставува заеднички проект на рестораните „SushiCo Македонија“ и „SushiCo Турција“, поставувајќи нов стандард во гастрономското искуство. Локалот се простира во најголемиот трговски центар Галерија на импресивни 550 m², со капацитет од 180 гости, создаден со посебно внимание кон деталите од страна на македонските архитекти Роберт Џонески, Горан Спироски и Светлана Данилова. 

Zen by SushiCo е совршена комбинација на модерен дизајн, автентична јапонска естетика и врвна кулинарска уметност. Ресторанот е едиснтвен во Србија со Teppanyaki мени  и врвна мешана азиска храна.

ZEN by SushiCo е замислен како место каде секој детаљ има своја приказна. Ентериерот е уреден во смирени, природни тонови, со елементи од дрво и автентични азиски мотиви, создавајќи топла, елегантна и инспиративна атмосфера. Терасата со панорамски поглед кон реката Сава ја прави локацијата уште попривлечна – совршен избор и за деловен ручек, и за вечера исполнета со стил.

Голем број гости, меѓу кои и познати личности од белградската џет-сет сцена, уживаа во отворањето кое го одбележа софистицираниот амбиент, вкусната азиска храна и енергичниот DJ сет на Peppe.

Овој реномиран бренд, познат по јапонската кулинарска традиција и иновативниот гастрономски пристап, нуди богато мени составено од внимателно одбрани јадења, како и ексклузивна винска и коктел листа која ќе ги воодушеви и најпребирливите љубители на гурмански искуства. Менито опфаќа јадења од јапонската, кинеската, тајландската и корејската кујна, подготвени со висококвалитетни состојки, многу од кои пристигнуваат директно од Азија.

Глобален бренд со локален шарм

Со повеќе од 90 ресторани ширум светот, SushiCo веќе повеќе од три децении ја раскажува својата приказна за вкус, традиција и иновација.