Новогодишни декорации кои се јадат: Умешност која стана вистински хит за оваа сезона
Годинава празничниот декор носи топлина, креативност и одржливост. Експертите по внатрешен дизајн се согласни дека модерните домови треба да изгледаат помалку „совршено“ и повеќе лично, со украси кои носат емоција и приказна.
Главниот тренд за 2025 година се рачно изработени декорации и украсни елементи кои можат да се рециклираат или пренаменат, наместо класичните фабрички орнаменти.
Дизајнерите нагласуваат дека најубавите празнични моменти се создаваат со предмети направени со љубов – било да се работи за венец од гранчиња, свеќници од стаклени тегли или новогодишна елка украсена со семејни фотографии и природни материјали.
Социјалната мрежа TikTok стана вистински извор на инспирација за овој тренд. Илјадници корисници објавуваат видеа со креативни DIY (направи сам) идеи, а најпопуларен хит сезонава се мали празнични куќички направени од бисквити, украсени со фил, шеќерни детали и јадливи светулки.
Овие куќички, освен што изгледаат прекрасно, се и симбол на семејна топлина и момент на заедништво – бидејќи најчесто се прават заедно со децата.
Во духот на одржливоста, експертите препорачуваат старите украси да се комбинираат со нови природни елементи, а наместо пластика – да се користат дрво, платно и хартија.
Празниците годинава не се само прашање на стил, туку на свесност и креативност.
За целата постапка и инспирација, погледнете го видеото што ги воодушеви корисниците ширум светот.
Видеото проследете го на линкот: https://www.facebook.com/reel/1342774173461704
