Очајната мајка на киднапирано девојче: „До вчера не знаев дали е мртва или жива. донесете го моето бебе дома“
Францускиот претседател Емануел Макрон, исто така, по објавувањето на видеото, побара ослободување на француско-израелската двојна државјанка. Видеото со Миа Шем е првото заложничко видео објавено од Хамас
Мајката на 21-годишната Миа Шем, заложник чие видео вчера го објави Хамас, побарала од светските лидери да ѝ помогнат да ја ослободи, објавија британските и израелските медиуми. Во видеото објавено од терористичката група, Миа Шем, која беше земена како заложник од фестивалот „Нова“ во близина на границата со Газа, бара помош за „што поскоро да ја извлечат одовде.“ Нејзината десна рака може да се види повредена, а нејзината мајка Керен Шарф Шем за време на емотивната прес-конференција во Тел Авив, им изјави на новинарите дека до вчера не знаеле дали нивната ќерка е жива или мртва.
„До вчера не знаев дали е мртва или жива, знаев само дека можеби е киднапирана. Вчера го видов моето дете на телевизија. Видов дека е жива... Гледам дека е застрелана во рамото“, рече Керен, која замоли за безбедно враќање на нејзината ќерка, држејќи ја сликата на 21-годишната девојка, велејќи: „Го молам светот да го донесе моето бебе дома. Таа отиде само на забава, фестивалска забава за малку да се забавува. А сега е во Газа“.
Францускиот претседател Емануел Макрон, исто така, по објавувањето на видеото, побара ослободување на девојката. Видеото на Миа Шем е првото заложничко видео објавено од Хамас во кое на киднапираниот му е дозволено да зборува. Досега имаше видео снимки на заложниците од подземни тунели и други простории на тајни локации во Газа, но не им беше дозволено да зборуваат. Опремата на снимката вели дека Миа била киднапирана на 7-ми октомври, кога Хамас извршил напад на југот на Израел, и кога била нападната и областа каде што се одржувал фестивалот. Нејзиното семејство им даде дозвола на медиумите да ја користат фотографијата од видеото.
Извор: www.vecernji.hr
