„Повеќе пари заработивме од Џони, отколку во најпрометната ноќ“: Деп вака слави по добиената тужба против Амбер
Џони Деп бил забележан опкружен од обезбедувањето кога во понеделникот го напуштил хотелот во Бирмингем.
58-годишниот актер ја прослави својата драматична победа во тужбата за клевета против неговата поранешна сопруга Амбер Херд. Џони носеше црно-бела карирана јакна и еден од неговите препознатливи шалови додека беше пречекан од армија обожаватели пред хотелот.
На ѕвездата на „Пиратите од Карибите“ им се придружи и пејачот Џеф Бек со кој настапи на турнеја низ Велика Британија. Очигледно во добро расположение по победата на минатонеделното судење, Џони им мавташе на своите обожаватели додека пар телохранители го придружуваа надвор од хотелот. Групата уживаше vо индиска кујна специјално подготвена за нив, со коктели и шампањ направени од рози. Упатените известуваат дека Џони Деп платил 63.000 долари за 25 луѓе.
Ресторанот бil затворен за сите други клиенти, додека Деп и неговиот тим за поддршка добија персонализирана услуга и лично внимание за време на нивниот петчасовен престој, заминувајќи околу полноќ. Мохамед Хусеин, извршен директор на Варанаси, кој се смета за еден од водечките индиски ресторани во ОК, им рече на новинарите:
„Во неделата попладне добивме повик од ведро небо, кога нè известија дека Џони Деп сака да дојде на ручек со група луѓе. Бев шокиран и на почетокот помислив дека ова е можеби нашиот крај. Но потоа дојде неговото обезбедување и го провери ресторанот и ги пуштивме да го заземат целото место бидејќи бевме загрижени дека другите посетители може да ги вознемират. Деп беше многу сладок, приземен тип кој поминуваше многу време разговарајќи со персоналот и со задоволство се фотографираше со нив. Никогаш не би помислиле дека е толку голема ѕвезда. Тој имаше доволно време за сите нас“.Г-дин Хусеин рече дека готвачите во ресторанот подготвиле специјален банкет за Деп и неговата група, кој вклучувал мезе и традиционални индиски празнични јадења. Сепак, велат дека Деп го завршил оброкот со панакота и чизкејк.
„Заработивме повеќе пари од посетата на Деп отколку од нашата најпрометна ноќ во недела, сабота, кога имаме околу 400 гости“, се пофали директорот на ресторанот, без да ја наведе точната сума, како што е договорено со тимот на Деп.
FOTO: Print Screen Youtube/Law&Crime Network
Член на поротата откри сѐ: Вака ја уловиле Амбер во лага
