Ретка фотографија со ќерката Ана: Влатко Стефановски сподели семеен момент од Даблин
Македонскиот гитарски виртуоз Влатко Стефановски, чиј распоред е исполнет со концерти, турнеи и нови музички проекти, ретко споделува моменти од својот приватен живот. Но токму затоа секоја фотографија со неговите деца буди искрено внимание кај публиката.
Последна таква објава беше фотографијата во Инстаграм приказната со неговата ќерка Ана – вистинско освежување за следбениците, бидејќи ваквите заеднички моменти речиси никогаш не ги споделува јавно.
Нивните најчести средби се во Даблин, место каде најверојатно Ана живее и работи.
Ана е постарото дете на познатиот гитарист. Таа зад себе има импресивна академска биографија: докторираше италијански јазик и книжевност на Универзитетот во Падова, а претходно магистрираше дизајн во Италија. Денес работи како дизајнер и гради успешна професионална кариера независно од уметничкиот пат на семејството.
Од друга страна, синот Јан е добро познат на публиката која ги следи настапите на „Влатко Стефановски Трио“, каде што свири тапани и редовно е дел од турнеите со татко му. Оваа година Јан дипломираше на Факултетот за музичка уметност при Универзитетот „Гоце Делчев“ во Штип, на отсекот за џез музика, со специјалност по тапани – уште еден доказ дека музичкиот талент во семејството се пренесува со генерации.
Иако професионалните обврски често го носат Влатко низ светот, фотографијата со Ана, а и честите настапи со Јан, покажуваат дека семејството останува неговата најголема инспирација. А токму тие ретки, спонтани моменти откриваат уште една, потивка и топла страна на човекот зад легендарната гитара.
РЖМ - Г.Д.Г
Фото: Инстаграм
