Српската актерка Мирка и Вујадин го покажаа нивното четврто дете: Го прославија првиот роденден на малата Аника (ФОТО)
Познатиот српски фудбалер и актерката приредија роденденска забава за првиот роденден на малата Аника, нивното четврто дете.
Српската актерка Мирка Васиљевиќ и нејзиниот сопруг, фудбалерот Вујадин Савиќ приредија голема роденденска забава за да го прослават првиот роденден на нивната најмлада ќерка Аника.
Церемонијата се одржа во кругот на најблиските пријатели и роднини, а младиот пар сјаеше од среќа исто како и малото девојче.
Мирка за оваа прилика носеше прекрасен црно-бел фустан, додека Вујадин беше одлично координиран со сопругата, па тој носеше црно-бел костум.
Малата Аника имаше прекрасен розов фустан, кој одговараше на ентериерот, кој беше украсен со комбинација од розови и златни балони. Мало девојче ја дувна свеќата со број еден, на тортата која беше прекрасно украсена и имаше дури четири ката.
Прославата траеше неколку часа, а гордите родители и пријатели уживаа во одлична музика и одлична атмосфера.
Вујадин не одолеа да сподели фотографии од оваа прослава со своите следбеници на социјалните мрежи.
Гордиот татко е особено приврзан за својата најмлада ќерка, а она што сите го забележаа е дека многу често споделува нејзини фотографии на својот Инстаграм профил.
Изгледа дека малата Аника целосно го освоила срцето на познатиот фудбалер, а како да не кога е толку слатка и неодолива.
Да потсетиме, вистинскиот роденден на малата Аника беше на 1 октомври, кога се славеше само во кругот на семејството, а сега беше организирана прослава за поширокото семејство и пријателите.
Мирка и Вујадин се горди родители на две момчиња Михајло и Андреј, девојчето Адријана и нивната најмала принцеза Аника.
извор:zenskikutak
