Одмор во стил на Маја: Комбинации за плажа како од модна писта

Добивај вести на Viber

Актерката Маја Андоновска Илијевски, позната по своите бројни театарски улоги во Битолскиот народен театар, моментално ужива на заслужен летен одмор заедно со сопругот Ице и синот Никола. По напорната сезона на сцена, Маја одлучи да се посвети на семејството и на релаксација покрај море.

Како вистинска битолчанка – а е познато дека битолчанки важат за модерни, стилски и дотерани жени – Маја и на плажа покажува истенчен вкус и модна смелост. За овој летен одмор избрала неколку пара костими за капење во најразлични бои, совршено усогласени со нејзиниот дух и ведрина.

Публиката ја памети по нејзината енергија и посветеност на театарската сцена, но овој пат таа привлекува внимание со својата одлична фит фигура и спортски дух. Маја одморот не го користи само за сончање – активно ужива во водните спортови, а нејзина омилена активност е сурфањето со суб даска.

Со широка насмевка, Маја покажува дека балансирањето меѓу професионалниот и приватниот живот е можно – со љубов, енергија и малку летна авантура.