„Соња да не си ги згрешила бројките на роденденската торта“: Еден детаљ од прославата на Тарчуловска го коментираат сите
Пејачката и сопруга на Јохан Тарчуловски, Соња Тарчуловска, го прослави својот 47. роденден во семејна атмосфера, а најубавиот момент ѝ го приреди нејзината ќерка.
Наместо класична роденденска торта, ќерката подготвила слатко и оригинално изненадување – еклери украсени со свеќички во форма на бројките 4 и 7, кои го означуваа нејзиниот роденден.
На фотографиите што ги сподели на социјалните мрежи, Соња зрачи со насмевка и позитивна енергија, опкружена со најблиските. Но она што предизвика најмногу коментари меѓу нејзините следбеници е нејзиниот младешки изглед. „Сигурно ги згрешиле бројките“, напишаа фановите во коментари, шегувајќи се дека Соња изгледа барем десет години помладо.
Соња и Јоце Тарчуловски веќе со години важат за еден од најхармоничните парови на македонската естрада, а оваа роденденска прослава уште еднаш покажа колку е важно семејството за нив. Роденденот помина во топла, домашна атмосфера – со многу љубов, смеа и симболична порака дека возраста е само бројка, но духот останува млад.
