Три салати кои одлично одат со скара по рецепт на мама Буба: Направете си ги за 1-ви мај - ВИДЕО
Мама Буба е миленик на многумина и со добра причина. Нејзините рецепти се обилни, богати и раскошни и што е најважно вкусни. Таа секогаш воодушевува со нејзиниот домашен пристап заснован на едноставноста, а во тоа е убавината на вкусот на нејзините јадења. Со оглед на тоа дека претстојат првомајските празници, решивме да споделиме од нејзините салати кои најдобро одат со скара.
Салатите кои одат со првомајската скара или како посебен оброк со свеж или тост леб или како дел од масата на бифе ќе ве соборат од нозе. Мама Буба покажа како се прават и се исклучително кремасти, лесни за подготовка и направени со состојки кои сите ги сакаат!
- Омилена ни е Ленинградската салата со компири и праз, на која најмногу ќе се задржиме, а пред тоа ќе ги споменеме останатите. Правиме пилешка салата со печурки - Новосадска салата. Втората што ќе ја направиме е салата од зелка, но со прелив од путер од кикирики - тајландска верзија, напиша мама Буба на својот блог, а еве како изгледаат рецептите:
Новосадска салата
Состојки:
- 200 гр варено пилешко бело месо
- 200 гр обарен и измиен ориз
- 400 гр крупно сечкани и пржени печурки
- 400 гр мајонез
- 150 гр кисела павлака
-1/5 лажичка сол- 1/5 лажичка бибер
- малку оригано
Подготовка:
Гответе го месото околу 40 минути, варете го оризот 15 минути, а потоа исплакнете го со ладна вода и исцедете го.
Шампињоните исечкајте ги на коцки, но не премногу ситни. Пржете ги на путер додека не испари целата течност, внимавајќи да не потемнат премногу. Ако во печурките остане течност, истурете ја.
Свареното месо исецкајте го ситно и ставете го во поголем сад. Додадете пржени печурки, изладен ориз и сечкано свежо оригано.
Шарена салата од зелка со прелив од кикирики
Ќе ви требаат:
- Околу 500 гр сечкана свежа зелка (измешана светла и виолетова)
- 2 средни моркови
Зеленчукот ситно се сечка, може да се чува во фрижидер, без прелив, 2-3 дена.
Сос од кикиритки:
- 2 лажици путер од кикирики
- 1 лажичка рендан ѓумбир
- 1 кафена лажичка издробен лук
- 1 лажица соја сос
- 1 лажичка масло од сусам
- сок од 1 лимон
- 1-2 лажици вода
Подготовка:
Ставете сè во тегла, добро затворете и силно протресете. Кога се убаво ќе се соедини, прелијте врз салатата. Оставете во сад, на ладно, околу половина час до сервирање.
Ленинградска салата од компири и праз
Неопходно е:
- Околу 1,5 кг (5-6 поголеми) компири
- 2 праз (главно белиот и полесниот дел) исечете ги на прстени и одвојте ги прстените
- 250 гр рендан трапист или гауда
- 200 гр мајонез
Неопходно е:
- Околу 1,5 кг (5-6 поголеми) компири
- 2 праз (главно белиот и полесниот дел) исечете ги на прстени и одвојте ги прстените
- 250 гр рендан трапист или гауда
- 200 гр мајонез
- 0,5 л јогурт
- 2 крема (или 1 јогурт + 1 крем)
- сол, бибер и сечкан магдонос
Подготовка:
Компирите сварете ги со кората, излупете ги додека се уште топли и исечкајте ги на коцки, но не премногу ситни, бидејќи тогаш при мешањето лесно ќе се претворат во каша или ќе ги изрендате на крупно ренде. Во соодветна длабока чинија ставете ги сечканите компири.
Во поголем сад измешајте мајонез, павлака, јогурт, сечкан магдонос, сол и бибер (можете да додадете и малку оцет или сок од лимон доколку јогуртот не е доволно кисел). Со смесата прелијте ги компирите и нежно измешајте. Така парчињата компири нема да се залепат едно до друго.
Исечете го празот на прстени, посолете го и оставете го неколку минути. Во компирот додадете го празот и сирењето и сè внимателно измешајте. Оставете да се излади неколку часа во фрижидер. Украсете со магдонос. По потреба додадете јогурт за да не се исуши салатата.
- Овие салати прекрасно одат со скара, а често ги јадеме и со свеж домашен леб, рече мама Буба.
