Молитвата во Тумане им донесе рожба на Милан и Катерина од Македонија по осум години борба
За многу брачни парови, чекањето на потомство може да биде долг и тешок пат. Но, некои приказни имаат неочекуван и чудесен крај. Таква е и приказната на Милан и Катерина Николов од Македонија, кои по осум години на обиди и безуспешни терапии за да станат родители, конечно ја доживеаја радоста на родителството благодарение на чудесното искуство што го доживеаја во манастирот Тумане во Србија.
„Јас сум Милан, а ова е мојата сопруга Катерина. Ова е нашиот син Јосиф,“ започнува со емоција и благодарност Милан, додека стои покрај сопругата и нивниот син.
„Ние дојдовме, овде во Тумане во знак на благодарност на светците, пред се и Господ Исус Христос, да укажеме на голема благодарност, затоа што осум години не можевме да имаме рожба“, раскажува тој.
Осум години на чекање
Приказната на Милан и Катерина започнала како и многу други. Парот, како и многу други во Македонија, се соочил со длабокото разочарување по осум години обиди за зачнување.
„Преку нашите пријатели, слушнавме дека овде читаат молитви и дојдовме во манастир Тумане. И после година дена од молитвите, мојата сопруга Катерина остана бремена. Ви благодарам на сите и на нашите отеци и му благодарам на Бог за сѐ “, вели Милан.
Патот кон чудото
Слушајќи за чудесната помош која брачните парови ја добиваат во манастирот Тумане, каде се читаат специјални молитви за благословен почеток на семејството, Милан и Катерина решиле да ја посетат оваа свето место.
Молитвата во манастирот Тумане
Манастирот Тумане, сместен во источниот дел на Србија, со векови е познат како место за молитви и побожни ритуали кои имаат чудотворно дејство. Местото стана симбол на надеж за многу брачни парови кои низ молитвите го побарале благословот за нов живот. Многу од нив споделуваат слични сведоштва за чудо и одговорени молитви, што го прави ова свето место популарно за оние кои се соочуваат со тешкотии при зачнување.
Чудото што го менува животот
За ова семејство, и за многу други, манастирот Тумане не е само религиозно место, туку е и симбол на надеж, вера и благодарност. Тие сметаат дека Божјата волја и молитвите на светиите ги одговориле, и затоа оваа приказна ќе ја носат со себе за цел живот.
Фото: Фејсбук
РЖМ - Г.Д.Г
