Вака за празници можат да го уредат домот само луѓе без вкус: Работи кои преку ноќ станаа демоде
Дизајнерите на ентериер ги издвојуваат најчестите грешки во уредувањето на домот – од комплет сетови мебел и вештачки растенија до генерички завршни обработки и евтини рамки.
Повеќето од овие детали некогаш биле нормални, но денес изгледаат застарено, неуредно или визуелно „евтино“.
Решенијата се едноставни: мешање различни парчиња мебел, поквалитетни материјали, природни елементи, правилни завеси и умерен, безвременски декор.
Иако домот треба да го уредувате според сопствен вкус, постојат трендови и предмети што повеќето професионалци веднаш ги оценуваат како неумесни. Тоа се работи кои пред 20 години можеби не биле спорни, но денес ситуацијата е сосема поинаква.
Комплети мебел
Една од најчестите грешки, според дизајнерите, се усогласените сетови мебел. Пет независни експерти ги истакнале како најголема визуелна замка, бидејќи „не оставаат простор за специфичност“, објаснува дизајнерката Тина Рамчандани за House Beautiful.
Домови уредени со вакви сетови често потсетуваат на изложбени простори. Наместо тоа, играјте со различни, но комплементарни парчиња мебел за поблаг и потопол впечаток.
Вештачки растенија
Иако многумина ги сметаат за практични, дизајнерите предупредуваат дека вишок вештачки растенија го прави просторот полн со прашина.
„Една или две квалитетни цвеќиња може да бидат во ред, но повеќе од тоа е претерано“, вели дизајнерката Ејми Мекој.
Други дизајнери советуваат целосно избегнување, бидејќи „немаат текстура и движење кои го оживуваат просторот“.
Стандардни, генерички завршни обработки
Кваките, славините, плочките и другите фабрички поставени детали во становите се меѓу првите работи што треба да се заменат.
„Достапни се толку убави и поволни опции, што навистина нема потреба да се остане на основните решенија,“ објаснува Рамчандани.
Неусогласени шарени шолји
Смешни, различни шолји можеби биле слатки во студентските денови, но дизајнерите велат дека е време за подобрување.
„Не сакате такви шолји да им принесете на гости,“ истакнува дизајнерката Џен Барбер. Задржете ги сентименталните, но инвестирајте во елегантен усогласен сет.
Евтини пластични рамки
„Старите пластични рамки секогаш изгледаат неукусно,“ вели Барбер. Квалитетната рамка го трансформира уметничкото дело или фотографијата – затоа вреди да се инвестира во подобри.
Ѕидни налепници и натписи
Прекумерни мотивациски натписи како Live, Laugh, Love или налепници со инструкции (како потсетници во бања) делуваат нападно.
„Еден урамени цитат може да биде убав, но цели ѕидови со текст изгледаат како крстозбор“ вели дизајнерката Ембер Гејтон.
Вертикални венецијанери
„Вертикалните венецијанери се неуксусни,“ категорична е Џен Барбер. Често се валкани и остават студен впечаток. Ткаени завеси се едноставен и многу поубав избор.
Претерано тематски соби
Дизајнерите сметаат дека буквалните теми – како соби уредени во „плажен стил“ – изгледаат неестетски. Декорот треба да биде безвременски, а не како театарска сцена.
Празнични украси цела година
Новогодишни светилки сред лето или есенски декор во пролет – големо „не“.
„Празниците се слават еднаш годишно, со причина,“ додава дизајнерката Сузан Петри.
Огромни семејни портрети
Големи семејни фотографии треба да бидат во приватни простории – спална, ходник – а не во центарот на дневната соба.
Извор: lepaisrecna / Freepik
