Брижит Макрон (72) во шпиц чевли ја истакна витката линија, Олена Зеленска (47) во сосема спротивен моден правец: Двете први дами со два различни костуми
НАСЛОВНО ФОТО: EPA/GONZALO FUENTES / POOL MAXPPP OUT
Претседателот и прва дама на Франција, Емануел и Брижит Макрон, вчера во Елисејската палата во Париз беа домаќини на првиот пар на Украина, Володимир Зеленски и Олена Зеленска. Тоа беше можност за интересен моден дуел помеѓу Французинка и Украинка.
Брижит Макрон избра елегантно одело во сива боја, кое е едно од нејзините омилени, заедно со црна, темно сина и бела боја.
ФОТО: EPA/TERESA SUAREZ
Таа беше облечена во нејзината омилена боја. Централниот дел од модното издание беше комбинација од класично сако и панталони со подигнат струк, прав тесен крој. Темноморскиот шал совршено се вклопуваше со елегантното одело, а пред сè со салонките во истата боја.
Брижит Макрон толку многу сака да носи чевли со вртоглави потпетици, што не е погрешно и да се претпостави дека шета низ куќата во такви чевли.
Штиклите се издвојуваа како многу важен детаљ од нејзиниот стил, но се издвојуваше и масивниот прстен на раката. Овој пат не експериментираше ниту со фризурата, а покрај пажот со малку свиткани прамени, обично носи висока пунџа.
Првата дама на Украина, Олена Зеленска, избра комплет сосема различен од оној на Брижит Макрон. Таа претпочита оверсајзд модели и облека во потемна боја, како нејзиниот сопруг, кој дури и вчера не носел поформално одело, а е уникатен на политичката сцена во однос на неговите комбинации на облека.
Преголемиот крој на оделото кај Олена Зеленска беше уште позабележителен бидејќи се најде во друштво на Брижит во одело кое строго ја следи линијата на телото.
Елегантна чанта со букви и прекрасни обетки го разубавија стајлингот на Олена Зеленска, која беше топло пречекана од Брижит Макрон. Фризурата на Украинката изгледаше многу гламурозно, а поради нејзиниот стил, како и фотографиите од разни престижни списанија, кои го одбележаа нејзиниот мандат како прва дама, за време на руско-украинскиот конфликт, таа беше жестоко критикувана.
РЖМ/ИС
