Хајди Клум го покажа својот 19-годишен син - наликува премногу на неговиот татко: „Боже, тој е огледало на Сил“
Манекенката Хајди Клум неодамна сподели редок увид во семејната интимност на Инстаграм, објавувајќи серија фотографии од викенд одморот кој го поминала во друштво на своите деца и сопругот Том Каулиќ. Имено, Хајди го посетила својот 19-годишен син Хенри на факултет, заедно со помалиот брат и сестрата, а судејќи по објавите на социјалните мрежи, славната мама уживала и со своите тинејџери.
„Во посета на Хенри на колеџ“, напиша Хајди Клум, заедно со галерија од фотографии и видеа на кои се гледа како уживаат во вкусна храна, играат шах, шетаат низ градот, ја украсуваат студентската соба на Хенри во божиќен дух...
На првата од снимките се гледа и како овој бруцош ја бакнува мајка си во образ, а публиката на Инстаграм беше многу заинтригирана од оваа сцена, со оглед на тоа што ретко се гледа младиот Хенри одблиску.
Иако младото момче беше многу срамежливо на видеото и се обидуваше што побрзо да си го тргне лицето од кадарот, сепак е јасно дека неодоливо личи на својот татко, пејачот Сил и дека не наследил многу од мајка си, барем кога станува збор за физичките карактеристики.
Сличноста меѓу таткото и синот беше изразена уште кога Хенри беше само бебе, а Хајди беше малку изнервирана од тоа некое време. „Сите што го гледаат велат: „О, Боже, тој е копија на Сил“.
Младиот човек, навистина, го наследил растот и висината на својот татко, но и карактерот и љубовта кон музиката, со оглед на тоа што и самиот е надарен за пишување песни, иако засега не планира кариера на тоа поле.
Инаку, Хајди и Сил беа во брак од 2005 до 2014 година, иако нивниот брак се распадна две години пред официјалниот развод. Покрај Хенри, поранешните сопружници имаат уште две деца, синот Јохан (17) и ќерката Лу (15), а Сил ја посвои и најстарата ќерка на Хајди, Лени (20).
Интересно е тоа што славната Германка била бремена со Лени, чиј татко е италијанскиот милионер Флавио Бријаторе, кога таа почнала да излегува со пејачот, но не му пречело. Покрај тоа, во иднина тој практично го заменил таткото на девојчето.
Фото и Видео: Инстаграм
Видео: Youtube
