Каде холивудските ѕвезди одмараат во Грција? Овој пат ги одбрале омилените острови на македонските туристи, немој да се изненадите ако ги сретнете
Грчките острови – летна оаза за светските ѕвезди
Секое лето, ѕвездите од светската сцена повторно се враќаат на грчките острови, привлечени од нивната природна убавина, топлото гостопримство и уникатната атмосфера. Од романтичната Кефалонија и спокојниот Паксос, до живописниот Скијатос, космополитскиот Миконос и историскиот Крф – островите се претвораат во вистинска сцена за холивудски одмор.
Познатите личности уживаат во кристално чисто море, луксузни јахти, медитеранска кујна и автентично грчко доживување, кое често го документираат преку социјалните мрежи. Преку фотографии и видеа, фановите имаат прилика да ѕирнат во нивното летно бегство, кое само ја потврдува Грција како омилена летна дестинација меѓу светската елита.
Кајли Џенер и магијата на Кефалонија
Кајли Џенер оваа година повторно се одлучи за Грција, избирајќи ја Кефалонија како своја летна база. Преку објавите на Инстаграм, таа сподели моменти од уживање во локален ресторан во Фискардо, со поглед кон Јонското Море.
Никол Кидман и Морган Фримен на Паксос
Паксос ова лето го привлекува вниманието не само со својата природа, туку и со своите гости. Никол Кидман била забележана во коктел-бар во местото Гајос, во друштво на пријателки, насмеана и опуштена во долг син фустан.
И Морган Фримен уживал на истиот остров, заедно со грчкиот актер Христос Папакалијатис и Марија Кавоиани – друштво што го поврзува и со популарната серија „Маестро во сино“.
Кејт Хадсон со семејството на Скијатос
Во јуни, Кејт Хадсон пристигна на Скијатос со приватен авион од Лондон, заедно со своето семејство. Сместени во луксузна вила во Ахладија, веднаш им се придружија и нејзината мајка Голди Хоун и Курт Расел, кои со години имаат летна резиденција на островот.
Скијатос, со својата тивка атмосфера и прекрасни плажи, останува едно од најомилените места за холивудските семејства.
Мајкл Џордан плови околу Крф
Кошаркарската легенда Мајкл Џордан го мина летото на бордот на ексклузивната јахта „M’Brace“, закотвена крај брегот на Крф. Со должина од 65 метри и вредност од 150 милиони долари, јахтата нуди врвен луксуз – теретана, џакузи и приватни кабини за 12 гости.
Пред пристигнувањето на Крф, Џордан го посети Акрополот во Атина и кратко се задржа на островот Спецес.
Миконос – вечна ѕвездна дестинација
Миконос, како и секое лето, пулсира со живот и познати имиња. Карди Би уживаше на островот и сподели видеа и фотографии со своите следбеници, покажувајќи дека оваа дестинација никогаш не излегува од мода.
Неодамна таму престојуваше и Јусеин Болт, кој не само што се забавуваше, туку и учествуваше во грчки танци. По посетата на Грција, тој отпатува во Србија како амбасадор на ЕКСПО 2027.
Извор: Euronews.rs
