Како да ги исчистите стаклените плочи на шпоретот: Не смеете да ја рибате чувствителната површина
фото:Instagram: Cleaning and staging company
Чистењето на закоравените дамки од храна не е лесно дури и кога тие се создаваат на емајлиран шпорет, а на стакло-керамичка плоча тие се вистински кошмар. Не смеете да користите остри предмети за рибање, а вообичаените средства и други абразиви ќе остават грди траги.
Затоа е најдобро да користите природни средства чиј ефект треба да го зголемите со дополнителна температура.
За почеток, направете паста од сода бикарбона и вода, во сооднос од 3 до 1. Потоа нанесете ја со шпатула или четка, нанесете особено дебел слој на деловите каде што прегореле дамките.
Сега измешајте го алкохолниот оцет со вода и истурете во шише со прскалка, а потоа испрскајте внимателно на целата плоча. Додека оваа мешавина дејствува, истурете топла вода од во сад, а потоа натопете две кујнски крпи и добро исцедете ги. Уште додека се топли крпите, ставете ги над плочата, а потоа оставете да отстои околу половина час.
Избришете ја пастата со кружни движења со сунѓер. Ако премногу се исуши и стврдне, прскајте со вода и оцет. Повторете ја постапката ако е потребно. И не заборавајте, подобро е да чекате половина час помеѓу секое размачкување на пастата и да правите нешто друго или да се одморите малку додека дејствува, отколку упорно да ги триете изгорените места. Нека хемијата работи за вас.
извор:Lepa&Srećna
Поврзани вести:
-Направете сами средство за дезинфекција на сите површини: Состојките сигурно ги имате дома
-Супер трик: Зошто е добра идеја да ставите влажно марамче во машината за перење?
-Никогаш не фрлајте лушпа од јаболка: Ефективно искористете ја во домот на четири начини
