Како да ги пребродите најтешките моменти во животот? Верата носи мир и сила – еве што треба да направите

Добивај вести на Viber

Во моменти кога животот нè искушува со тага, загуба или неправда, најтешко е да се сочува мирот во срцето. Но токму тогаш, верата станува најсилното оружје против очајот.

Зборовите на отец Михаил Втори од светиот Валаам нè потсетуваат дека вистинската сила не е во борбата против другите, туку во внатрешниот мир и во вербата дека темнината никогаш не може да ја победи светлината.

Во времиња на тага, клевети и внатрешни борби, не ја барај силата во себе, туку во Господ. Бидејќи, како што вели отец Михаил: „Трпи и издржи, но најмногу чувај се од очај.“

„Трпи и издржи сè – секоја тага, секое бреме, навреда и клевета. Но најмногу плаши се од очај. Тоа е најтешкиот грев.“

Овие зборови на јеромонахот Михаил Втори од светиот Валаам остануваат како светилник за сите кои некогаш биле на работ на духовно потонување. Во современиот свет, преполн со надворешна бука и внатрешни превирања, најголемата победа не е онаа над другите – туку тивката, внатрешна победа, кога човек нема да поклекне во моментот на скршеност, туку ќе се сврти кон Господ.

Отец Михаил не нè повикува да глумиме сила. Напротив – повикува на самоиспитување, кроткост и покајание. Кога сè во нас ќе се вознемири, кога душата ќе ја разбрануваат страстите, најголемата победа е – да не очајуваме.

„На Бога му е подраг скршениот грешник отколку гордиот праведник кој мисли дека сам ќе се оправда“, вели тој. „Затоа – наоружај се. Започни ја борбата. Господ ќе ти го даде останатото. Не е пораз кога ќе паднеш. Пораз е кога ќе останеш во падот.“

Затоа, на човекот не му се мери гревот, туку силата да стане, да погледне кон небото и да каже: „Боже, ништо не можам без Тебе.“

Отец Михаил нè учи – предај му сè на Господ. Не половина, не она што ти е вишок, туку сè – тагата, гордоста, болката, прашањата, уморот. Зашто – Господ е сè, и сè е заради Него.

Извор / Freepik