Кога пријателите ќе станат љубовници: Кортни Кардашијан потврди дека е во врска
Кортни постојани привлекува внимание со нејзиниот изглед, но во последно време многумина се интересираа за нејзиниот љубовен живот.
Откако веќе подолго време се зборуваше дека Кортни, најстарата сестра Кардашијан е во врска со тапанарот на популарниот бенд Blink - 182, Тревис Баркер, двојката конечно ја потврди својата љубовна врска.
Кортни на Инстаграм сподели фотографија на која се држат за раце, па така јавно покажа дека се во љубов, а обожавателите на двојката се воодушевени.
„Кога пријателите ќе станат љубовници. Ве молам, венчајте се“ - напиша еден нејзин следбеник на Инстаграм.
Кортни со Тревис се дружи повеќе од 10 години, а и живеат еден спроти друг во Калабасас.
„Му се допаѓаше долго време, а на неа сѐ повеќе ѝ се допаѓаше идејата за врска со него. Тој е добар тип и одличен татко“ - рече мајката на Кортни, Крис Џенер за медиумите.
