Кога стилот се совпаѓа со декорот: Симона Поповска од срцето на Виена
Македонската пејачка Симона Поповска предновогодишно замина во Виена, каде што ја почувствува магијата на еден од најпознатите и најпосетувани божиќни базари во Европа. Празнично украсениот австриски главен град послужи како совршена сцена за елегантни фотографии, кои Симона ги сподели со своите следбеници.
Во центарот на Виена, меѓу светилки, раскошни излози и новогодишни украси, Поповска позираше пред впечатлива црвена машна – еден од симболите на празничната декорација во градот. Интересен детал кој не остана незабележан е тоа што истата црвена машна пејачката ја имаше поставено и во својата коса, со што нејзиниот стил совршено се вклопи со амбиентот околу неа.
Облечена во елегантно светло палто со крзнени детали, Симона зрачеше со софистицираност и зимска елеганција, дополнително надополнета со внимателно одбраните модни аксесоари. Нејзиниот изглед хармонично кореспондираше со топлите тонови на новогодишните украси, создавајќи визуелна приказна што потсетува на сцена од празнична бајка.
Посетата на Виена, покрај уживањето во божиќниот базар, очигледно беше и инспиративен момент за пејачката, која уште еднаш покажа дека има изразено чувство за стил и естетика.
Фото: Инстаграм
