Кој има пари оди на море, кој нема - на Сутоморе: Еве кои се годинешните цени за храна, сместување и лежалки во популарната црногорска дестинација
Иако старата изрека „Кој има пари оди на море, кој нема – во Сутоморе“ сè уште се повторува меѓу туристите, денешната слика на ова црногорско летувалиште е сосема поинаква.
Сутоморе доживеа вистинска трансформација – уредени улици, обновен плоштад со фонтана и клупи, и почеток на шеталиштето што наликува на модерни медитерански центри.
Новите кафулиња, ресторани и продавници нудат пријатна атмосфера и достапни цени за туристите од целиот регион.
Според локалците, јуни беше исполнет со туристи, но вистинскиот бран се очекува во јули и август, кога Сутоморе навистина оживува.
Најпопуларните плажи и цени на лежалки
Градска плажа е меѓу најголемите песочни плажи на Јадранот, долга 1,5 километар и со капацитет до 10.000 капачи. Цените за комплет лежалки со чадор се движат од 10 до 25 евра. Дозволено е само користење на кафулето за пијалок, бидејќи внесување храна и пијалаци е забрането.
Малјевик е тивка, дива увала со едно кафуле, простор за сопствени пешкири и лежалки. Идеална е за семејства и вечерна релаксација.
Штрбине нуди поурбана атмосфера и уреден простор со едно поголемо кафуле. Лежалки чинат 10 евра, а амбиентот со поглед кон морето остава впечаток.
Тунел плажа е најизолирана и најмирна. До неа се стигнува пеш преку 400-метарски тунел, а бидејќи нема кафулиња, претежно ја посетуваат локалци што бараат мир и природа.
Храна и пијалоци: Разновидна понуда по пристапни цени
На плажите ќе најдете:
- Хот дог: 3,5 €
- Сендвичи: 4,5–5 €
- Палачинки: 3,5 €
- Пиво/кафе: 3 €
- Сокови: пониски цени
- Коктели: од 7 €
- Нес/дојч кафе: 2,5–3,5 €
- Вино: 5–6 €
- Сајдер/мартини: 3,5–4 €
- Вода: 1,5–2 €
Во понудата на храна:
- Дневен мени: од 6 €
- Ќебапи (5 парчиња): 4 €
- Гирос: 4,5 €
- Пица (парче): 2,5 €
- Помфрит: 2 €
- Цела пица во ресторан: од 10 €
- Караѓорѓева шницла: 12 €
- Пилешко со сирење: 10 €
- Сладолед: 1–2,5 €
- Сместување: Од економично до луксузно
- Апартмани подалеку од центарот и плажата: 20–30 € за две лица
- Апартмани веднаш до градската плажа: 50 €
- Хотели со базен и појадок: 80 € по ноќевање за две лица
Сутоморе 2025 нуди пријатна атмосфера, подобрена инфраструктура и достапни цени – комбинација што го прави привлечна дестинација за секој вкус и буџет.
Извор: Mondo.rs
