Мал стан од 28 квадрати во кој имате сѐ: Дом во кој убаво се живее, мирно спие и лесно се чисти (Фото галерија)
Мал стан со површина од само 28 квадратни метри е уреден во едноставен и минималистички стил, со малку, но внимателно одбран мебел што има јасна функција.
При влез во станот се чувствува неочекувана пространост. Ѕидовите и вратите се во иста нијанса, што создава мирна и уедначена атмосфера.
Просторот е без вишок детали, дизајниран така секој елемент да има своја улога.
Кујна и практични решенија
Десно од влезот се наоѓа зона за перење – машината за алишта е скриена под работната површина, а горните ормари нудат доволно простор.
Лево е мала, но впечатлива кујна, со црна чешма, мијалник и рингли.
Мини фрижидерот и системот за сушење садови се совршени за еден станар. Под работната површина има длабока фиока, а лесно одржливите подни плочки го зголемуваат визуелниот простор.
Дневна и работна зона
Дневната соба е одвоена со стаклена преграда. Модулите се од ист материјал, а софата без наслони лесно се претвора во лежај. Преградата овозможува истовремено раздвојување и поврзување на просторот.
Во аголот има мал работен агол, со завеси што затемнуваат и звукoизолирачки таван за мирна атмосфера.
Спална соба и купатило
Спалната соба е одвоена со лизгачки врати, а големите гардеробери со огледала визуелно ја зголемуваат просторијата. Крeветот е со стандардна големина, придружен со мали ноќни масички и дискретна светлина.
Купатилото е функционално и стилски усогласено — со туш кабина до таванот, камени полици и црни детали што даваат елегантен изглед.
Галерија:
