Жената која купи 6 куќи за едно евро во Италија откри дали вреди да се ризикува: Еве колку ја чинеше реновирањето (ВИДЕО)
„Практично ја добивате куќата бесплатно, и можете да ја претворите во што сакате.“
Кога Рубија Даниелс првпат им кажа на своите пријатели дека купува шест куќи во Италија за по едно евро, тие помислија дека се шегува. Но, во 2019 година, оваа 51-годишна консултантка за урбанистичко планирање, која живее во Сан Франциско од 1996 година, всушност го направи тоа - таа купи шест дотраени куќи во Мусомели, стар град на рид во Сицилија, преку локална иницијатива насочена кон оживување на напуштени имоти, објавува NYP.
Секако, имаше и „трик“ со овие куќи: тие беа во различни фази на распаѓање - некои без покриви, без основна инфраструктура.
„Спакував шест куфери со алатки и генератор“, се присети Даниелс. Таа отпатува во Италија со својот сопруг и братучед за да ги преземе куќите, откако потроши вкупно околу 22.500 евра за административни и агенциски трошоци.
Продаваат куќи за 1 евро бидејќи немаат доволно жители, а се на чекор од најубавите плажи во светот: Последното дете е родено пред 10 години
И покрај руинираната состојба, Даниелс - која работи како консултант за просторно планирање повеќе од 16 години - беше целосно опуштена.
„Природно е за мене да ги преобликувам просторите и да рушам ѕидови. На пример, мојот сопруг паничи кога ме гледа како мерам проекти како овој, но за мене тоа е само комбинација од возбуда и радост“, рече таа.
Првата куќа, која беше целосно срушена, сега е целосно реновирана.
„Таа има прекрасна мермерна спална соба“, рече таа. Реновирањето ја чинело околу 56.500 евра и се надева дека нема да мора да прави ништо во следните 50 години.
Не станува збор само за цените, туку и за начинот на живот.
Нејзината визија не запира само на семејните домови - една од шест куќи ќе биде претворена во центар за јога и медитација.
„Би било убаво да се врати нешто на заедницата на овој начин“, рече таа.
За декорацијата користела локални мајстори - од мијалникот до подовите, сè било купено во Мусомели.
„Сакавме сè да направиме во заедницата и со заедницата каде што ги купивме имотите. Обожаваме да бидеме тука, многу е поубаво од Калифорнија“, објасни таа.
Она што ја привлече во Мусомели не беа само ниските цени, туку и самиот начин на живот.
„Никој не брза, сè е прифатливо. Кафето и кроасанот чинат 1,50 евра. Во Калифорнија, сè е површно и предизвикува стрес“, рече таа.
Сега нејзините две тетки, на возраст од 70 и 82 години, планираат трајно да се преселат во ова сицилијанско ридско гратче.
И додека нејзиниот потфат првично предизвика збунетост кај пријателите во САД, некогаш заборавеното место Мусомели сега привлекува светско внимание.
„Во моментов најмалку 30 луѓе размислуваат да купат куќа“, рече таа, објаснувајќи колку популарна станала иницијативата.
За Рубија, причината зошто дошла таму била јасна уште од самиот почеток.
„Практично ја добивате куќата бесплатно и можете да ја претворите во што сакате.“
РЖМ/ИС - ФОТО: Screenshot/Instagram/rubia.daniels
