„Моето срце е врзано за Македонија, чест ми беше да го носам на грб вашето знаме“: Северина ги собра сите овации од публиката во Велес
Хрватската музичка ѕвезда Северина уште еднаш покажа колку ја почитува и ја сака Македонија.
На нејзиниот концерт во Велес, кој предизвика огромен интерес и преполна публика, пејачката приреди момент кој предизвика силни емоции и громогласни аплаузи.
За време на целиот настап, Северина гордо го носеше македонското знаме од Кутлеш на својот грб.
По концертот, таа сподели емотивна објава на својот Инстаграм профил со порака која ги допре многумина:
„Моето срце е врзано за Македонија и голема чест ми беше ова знаме, кое ми го врачивте, да го носам на грб... Чувајте ја Македонија!“
Пејачката важи за една од најомилените регионални ѕвезди во Македонија, а нејзините концерти секогаш предизвикуваат огромен интерес. Публиката во Велес ја дочека со овации, а атмосферата беше исполнета со енергија, емоции и чувство на блискост.
Овој гест со знамето ја потврди нејзината долга и искрена поврзаност со македонската публика, која со години ја следи и ја сака нејзината музика. Коментарите на социјалните мрежи се преполни со зборови на благодарност и поддршка, а многумина истакнаа дека вакви гестови не се забораваат лесно.
