Музика за срце и душа: Јоце Панов објави видео од концертот што го расплака Скопје
Популарниот пејач Јоце Панов, кој годинава одбележа 25 години музичка кариера, ја израдува својата публика на еден посебен начин. На својот YouTube канал објави видео од незаборавниот концерт одржан на 8 март во Македонската филхармонија — вечер што публиката ја памети по моќните емоции, гламурозната сцена со големи ЛЕД екрани и магијата на симфонискиот оркестар.
Овој концерт е особено емотивен бидејќи тоа беше и последниот настап на покојната Сара Пројковска како придружен вокал, со која Јоце ја делеше сцената цели две децении.
Концертот можете да го погледнете во видеото:
А што следува? Од ПР тимот на Панов откриваат дека тој веќе подготвува нов летен хит, кој наскоро ќе добие и свој видео запис. Паралелно се работи на есенската турнеја низ градовите во Македонија, а за пролет се планираат настапи и пред дијаспората.
