Најбараниот рецепт: Ајвар без лупење пиперки, целата тегла ќе исчезне за миг – мора да го пробате
Сезоната на зимница е во полн ек, а домаќинките секоја година бараат поедноставни начини да подготват вкусни специјалитети за долгите зимски денови.
Овој рецепт за ајвар е посебно практичен – се прави брзо, без многу отпад и лупење на пиперките.
Потребни состојки:
-
3 кг црвени пиперки
-
1 поголем модар патлиџан
-
10 чешниња лук
-
морска сол
-
2 дл маслиново масло
-
малку бибер
Подготовка:
Измијте ги пиперките и патлиџанот, па попарете ги со врела вода. По неколку минути сомелете ги на машина за мелење месо. Добиената смеса ставете ја во поголем сад, додајте ситно сечкан лук, масло и зачини.
Ставете во рерна на 200°C и оставете да се пржи околу 4 часа. Повремено извадете, промешајте и проверете дали има доволно сол. Важно е да испари целата вода, бидејќи некои пиперки се поводенести, а некои посуви.
Кога ајварот ќе згусне и добие убава структура, сипете го во претходно загреани тегли. Запечете ги уште кратко во рерна, покријте со целофан и гумичка, добро затворете и оставете да се изладат.
Подготвените тегли спакувајте ги во оставата и уживајте во вкусот на домашниот ајвар цела зима.
Извор / ЖМ Архива
