Погледнете како обичните машки вратоврски станаа модна сензација: Уникатен корсет за тренди изглед (ВИДЕО)
Младата инфлуенсерка Катарина Станојевиќ полека, но сигурно, создава уникатна модна приказна на својот Инстаграм профил „Sedelasamzamasinom“. За разлика од традиционалните модни блогови, Катарина не се фокусира на брендовите и купување нови парчиња, туку на креативно шиење и трансформација на едноставни материјали во стилски и носливи облеки.
Нејзините следбеници редовно добиваат инспирација и практични совети за тоа како од основен крој може да се создаде впечатливо парче облека. Од едноставни фустани, здолништа, па до аксесоари – Катарина покажува дека со малку имагинација и рачна работа, секој може да ја изрази својата индивидуалност преку облеката.
Последната нејзина објава предизвика вистинска експлозија на интерес кај фановите. Младата креативка од машки вратоврски направи уникатен корсет, демонстрирајќи како материјали кои на прв поглед изгледаат „невредни“ можат да добијат сосема нова функција и естетика.
„Почнав да го довршувам здолништето, но може да биде и фустан. Не, сепак здолниште. Го исеков здолништето и ги погледнав остатоците од вратоврските. Се потпрев на себе. Добро, ајде да пробам….Здолништето сè уште не е довршено, но затоа ова парче е готово!“
Катарина Станојевиќ не само што инспирира со својот креативен пристап, туку и ја поттикнува публиката да експериментира со материјалите што ги има дома. Со „Sedelasamzamasinom“, таа гради заедница на луѓе кои ја ценат индивидуалноста, одржливоста и уметноста во модата, покажувајќи дека вистинската стилска изразност не зависи од брендот, туку од идејата и изработката.
РЖМ - Г.Д.Г
Фото: Принтскрин/ Инстаграм
