„Полесно е да одиш на работа, одошто да чуваш деца дома“: Мајка изнесе тврдење кое наиде на воодушевување кај многу жени (ВИДЕО)
Ниту една мајка нема лесна улога, без разлика дали секојдневно оди на работа или останува дома со децата. Но, секогаш се отвора дилема: кому е потешко?
Една мајка од Мелбурн, Австралија, која има денови кога оди на работа и денови кога е дома, реши да даде сопствено мислење.
Таа смета дека многу потешко е за мајките кои се домаќинки.
Морам да ви кажам нешто што работните родители не сакаат да го признаат – многу е полесно да одиш на работа отколку да останеш дома со децата, изјави таа во видео што го пренесе Mirror.
Објаснува дека кога оди на работа има моменти за себе – слуша музика или подкасти, пие кафе во мир, разговара со возрасни и користи делови од мозокот што дома со децата не ги активира.
Кога мене ќе ми недостигаат децата и едвај чекам да ги видам, и тие мене исто така, додава таа.
За мајките што остануваат дома, таа вели дека е многу потешко: немаат време за себе, од утро до вечер се посветени на потребите на децата, водат само „детски разговори“ и едвај можат да испијат кафе.
Од моментот кога ќе ги отворите очите, до моментот кога ќе ги затворите – вие сте постојано вклучени, нагласува таа.
Нејзиното видео предизвика многу реакции. Некои мајки се согласуваат со неа, други велат дека зависи од видот на работата, но сите потврдуваат – мајчинството, со или без работа, е голем предизвик.
Извор / Foto: TikTok/Screenshot/imperfectalignment
Линк до видеото на ТикТок: https://www.tiktok.com/@imperfectalignment/video/7196238847112400130
**Дознајте сè за случувањата во шоу бизнисот, бидете во тек со темите за животен стил и мода. Пријавете се во нашата Вибер група
