Поради тоа што му го направи, никој не смее да ја спомене пред него: Поранешниот сопруг на Меган Маркл ѝ приреди „врвна одмазда“
Филмскиот продуцент кому денешната војвотка од Сасекс му го скрши срцето верува дека ѝ приредил нешто што неговите пријатели го нарекуваат „врвна одмазда“
Кога беше објавено дека Меган Маркл е новата девојка на принцот Хари, таблоидите беа неуморни во потрагата по детали за нивната врска и истражуваа сè што можеа да најдат за нејзиното минато.
Јавноста беше заинтересирана за нејзиното африканско потекло и актерска кариера, но тоа не беше единствената необична работа за една потенцијална сопруга на британски принц. Меган, за разлика од претходните партнерки на Хари, веќе еднаш била мажена.
Денешната војвотка од Сасекс беше во трогодишен брак со Тревор Енгелсон, од кого официјално се разведе во 2014 година, иако заедно живееја само 18 месеци. Според медиумите, додека таа снимаше серијата „Suits“ во Канада, му ја пратила бурмата по пошта и поднела барање за развод.
– Долго му беше тешко на Тревор. Тој е добар човек, а Меган му го скрши срцето кога побара развод. Кога почна да се забавува со принцот Хари, повторно беше скршен затоа што нивниот брак повторно дојде во центарот на вниманието, особено по интервјуто со Опра. Но, сега сето тоа е минато – изјавил анонимен извор пред неколку години.
Животот на поранешниот сопруг на Меган Маркл по разводот
По објавувањето дека неговата поранешна сопруга е во врска со принцот Хари, познатиот продуцент не се огласуваше и продолжи да живее мирно и повлечено, како и дотогаш.
Меган се омажи за синот на кралот Чарлс во 2018 година, а Тревор исто така повторно стапи во брак наредната година. Тој од 2019 година е во брак со диететичарката Трејси Карланд, инаку позната американска наследничка, на која татко ѝ ѝ остави богатство од 250 милиони долари.
Во меѓувреме добија три деца и денес живеат идиличен живот.
– Тие се многу блиски и одличен пар. Тревор ја обожава својата жена и нивните ќерки. Кога е со нив, постојано е насмеан – рекол извор близок до поранешниот сопруг на Меган Маркл.
Иако продолжил понатаму, на Енгелсон наводно сè уште не му е пријатно кога се спомнува неговата поранешна сопруга, која со семејството се пресели во Америка во 2020 година, по откажувањето на јавните должности на принцот Хари и Меган во Британија. Наводно, продуцентот дури забранил нејзиното име да се спомнува во негово присуство.
Извор: glossy.espreso.co.rs
