Пред 40 години снимила дует со Халид Бешлиќ, ја предвидела неговата смрт и открила што ѝ рекол последен пат
Пред точно четириесет години, пејачката Снежана Комар го снимила дуетот „Ја жалим ружу“ со легендарниот Халид Бешлиќ.
Од тој момент нивното пријателство станало нераскинливо и траело сè до неговата смрт. По веста што ја потресе јавноста, Снежана открила како изгледал нивниот последен разговор и како сонот ѝ го најавил неговиот крај.
„Веста за неговата смрт ме скрши. Тој ми беше брат, колега и пријател. Последните денови чувствував дека нешто не е во ред. Не ми се јавуваа ниту тој, ниту сопругата. Сакав да го посетам, но велеше: ‘Не сега... ќе ти јавам кога да дојдеш’. Веројатно не сакал да го видам во таква состојба,“ раскажала Снежана.
Пејачката открила и детали од последниот разговор: „Ми рече дека има тумор на црниот дроб и израсток на дебелото црево, дека не може да се оперира. Верувам дека не знаеше дека има метастази. Халид никогаш нема да биде заборавен — остави безвременски хитови.“
Неколку ноќи пред неговата смрт, таа сонувала немирен сон во кој тој „си заминува без да ја праша дали ќе појде со него“. Веднаш почувствувала дека тоа не е добар знак.
Снежана, која и самата имала тежок живот — се омажила малолетна, преживеала болест, ја изгубила љубовта на животот — никогаш не престанала да пее.
Нејзиниот сопруг Фудо прв го препознал нејзиниот талент и заедно ги израснале синовите Елвис и Харис. Денес, таа најмногу време посветува на својата внука Изабела, обидувајќи се да го надомести она што го пропуштила со своите деца.
Извор
