Приказна од која ќе ви застане кнедла во грлото: Кога му го видоа лицето, родителите го дадоа на посвојување
Џонатан Ланкастер е роден со Тричер Колинс синдром, поточно - без некои коски на лицето, што предизвикало деформитети и ослабен слух. Неговата мајка рекла дека не чувствува поврзаност со 'таквото бебе' и го дала на посвојување после само 36 часа откако го родила. Сепак, и покрај тешкиот почеток, Џонатан нашол начин како да го живее животот преку позитивни мисли.
На повеќето деца кои страдаат од овој синдром им требаат над 70 операции за да живеат нормално, па Џонатан се смета себеси за вистински среќен човек. Како што повеќе пати изјавил за медиумите, тој не се гледа себе си дека оди на операција само за да биде поубав.
Џонатан страдал многу поради неговата болест како момче: тој бил малтретиран од неговите врсници и честопати бил во депресија додека растел.
Кога еден пријател му понудил работа, сè тргнало на подобро. Стекнал самодоверба и почнал сè повеќе да ги запознава луѓето со неговата состојба. Ланкастер денес е еден од најпознатите мотивациони говорници специјализирани за работа со деца, кои се родени со истиот синдром. Го обиколува светот со надеж дека ќе може да им помогне.
„На крајот правев разни глупости за луѓето да зборуваат за нив, а не за мојот деформитет. Запалив петарди во училница, не знаев зошто го направив тоа. Често и алкохолот беше дел од сето тоа и имав лоша репутација помеѓу родителите и професорите“, рекол искрено Џонатан.
Се обидел да стигне до биолошките родители, но од агенцијата рекле дека родителите не сакаат да го запознаат и дека би сакале да престане да ги бара. Научил таа болка да ја претвори во сила која го носи низ животот.
„Ми требаа 23 години за да прифатам кој сум, но во последните пет години многу работи се променија. Со цело медиумско вимание и патувања на кои сум бил, се надевам дека барем малку им помогнав на децата на кои им е потребно внимание“.
„Моите родители и понатаму не сакаат да ме видат. Но, мојот став се менува и тоа е она што е силно. Не би менувал ништо. Со вистински став можете да постигнете сè што сакате“, вели тој.
На Џонатан животот со оваа болест му е реалност, но не се чувствува осамено, бидејќи половина милион луѓе во Велика Британија страдаат од истиот синдром или некои други видови аномалии на лицето. Тој својот живот го посветил на тоа да им помогне на другите и преку неговиот пример многумина да научат да се сакаат себеси и да не се срамат од ништо на себе.
Извор: стил.курир.рс
Фото: Инстаграм- официјален профил jonolanc
