Разбиваме митови: Дали препечениот леб навистина е поздрава варијанта од обичниот

Добивај вести на Viber

Препечениот леб често се препорачува кај лица со дијабетес или стомачни проблеми поради понизок гликемиски индекс и полесна дигестија. 

Се смета дека побавно го подига шеќерот во крвта и може да помогне кај мачнина и пролив, особено ако се користи интегрален леб.

Процесот на препекување предизвикува т.н. Maillard реакција – хемиска промена што го менува вкусот, бојата и структурата на лебот, и благо го намалува гликемискиот индекс. Сепак, разликата со обичниот леб е минимална.

Некои диетолози препорачуваат леб од никнати житарки, бидејќи скробот е делумно разграден и полесно се вари. Ваквиот леб има и помалку глутен.

Предупредување: при препекување може да се создаде акриламид – потенцијално канцерогено соединение кое се јавува при печење над 150°C. Европската унија веќе донесе регулатива за ограничување на ова соединение во храната.