Рузмаринска вода се прави од две состојки: Се користи за нега на кожа, коса и како природен освежувач на воздух
Во последните години, трендовите за нега и убавина сè повеќе се враќаат кон природата.
Било да станува збор за есенцијални масла, билни чаеви или рецепти инспирирани од древни обичаи, сè повеќе жени ширум светот повторно ја откриваат моќта на едноставноста.
Меѓу природните хитови што го освоија вниманието на инфлуенсерите и љубителите на природна нега е водата од рузмарин – едноставен, но многу корисен еликсир кој се користи за коса, кожа, тело, па дури и како освежувач за домот.
Како се подготвува?
Потребни ви се само два состојка: рузмарин (свеж или сушен) и вода.
Основен рецепт:
– 2–3 гранчиња свеж рузмарин (или 2 лажици сушен)
– 500 мл вода
Зовријте ја водата во мал тенџере. Додадете го рузмаринот и оставете да врие на тивок оган околу 15 минути. Потоа исклучете ја ринглата, покријте и оставете да се олади 30–60 минути. Процедете и префрлете ја течноста во шишенце со прскалка. Чувајте ја во фрижидер до една недела. Може да се подготви и поголема количина.
Како се користи?
За коса:
Редовната употреба на вода од рузмарин може да го поттикне растот на косата, да го намали опаѓањето, да ја зајакне тенката коса и да го подобри здравјето на скалпот. Прскајте ја на чиста кожа на главата и нежно масирајте. Не се исплакнува. Може да се користи и после миење, во комбинација со неколку капки рицинусово или арганово масло за дополнителна хидратација.
За лице и тело:
Поради антибактериските и антиоксидантните својства, водата од рузмарин е одлична за масна или проблематична кожа. Користете ја како тоник – прскајте ја на лицето по миење, пред крема. Одлична е и за смирување по депилација, бричење или изложување на сонце. Ако имате чувствителна кожа, може да делува смирувачки и хидрирачки.
Како освежувач:
Во летните денови, чувајте ја во фрижидер и користете ја како разладителен спреј – ќе ве освежи со својот лесен, билен мирис.
Водата од рузмарин е природен, евтин и ефикасен начин да се грижите за себе – и надворешно и внатрешно. Ако сè уште не сте ја вклучиле во својата рутина – сега е вистинскиот момент.
Извор: sensa.mondo
