СЕ ВРАЌА НОЌНИОТ ЖИВОТ: Кафеаните и рестораните со ново работно време

Добивај вести на Viber

„Донесена одлука за продолжување на работното време на угостителските објекти до полноќ во работни денови и до 1 часот после полноќ за време на викендот“, напиша на фејсбук  министерот за економија Крешник Бектеши.

Оваа одлука за продолжување на работата на угостителските објекти само што поминала на владина седница.

Кафулињата и рестораните ќе можат да работат и до полноќ во работни денови, а до 1 часот по полноќ за време на викенд.

Практично, тие си го враќаат претходното редовно работно време.

Одлуката ќе стапи на сила кога ќе биде објавена во Службен весник, а според нашите извори тоа ќе биде најверојатно понеделник.

Како што е познато, угостителските објекти сега смеат да работат до 22 часот.

Н.Н.Ф.