Со жената со која има две деца организираа лажна свадба и на матичарот му кажаа НЕ: Интересни факти за Владо Георгиев авторот на најубавите љубовни песни
Кому Владо Георгиев му ги посвети најубавите љубовни песни и зошто му кажа „НЕ“ на матичарот?
Многумина веруваат дека Владо е автор на најубавите љубовни песни.
Песната „Reci mi da znam“ ја посвети на својата поранешна девојка која наводно го изневерувала со друга девојка.
Владо Георгиев, попознат по прекарот Барба, е еден од најпознатите музичари на територијата на поранешна Југославија.
Роден е во Дубровник на 6 јуни 1977 година, но целиот живот го поминал во соседниот Херцег Нови. Музиката го интересирала уште од раното детство, а веќе на пет години се обидувл да го „фати“ ритамот удирајќи по мебелот.
Набргу по неговото раѓање, семејството се преселило во Херцег Нови, каде што пораснал и живеел до 16-годишна возраст, по што заедно со неговиот постар брат Саша се преселиле во Белград. Родителите на Владо не биле среќни што тој избрал музика, туку сакале да „игра“ на посигурна карта.
Пред да почне да пее, сакал да стане џез музичар. Извесно време свиреше хармоника, синтисајзер и пијано.
Во 1990-тите се преселил во Белград и извесно време живеел на улицата Сараевска во хотелот „Турист“, кој бил едно од најевтините сместувања во главниот град. За време на хиперинфлацијата му било многу тешко, бидејќи, според неговите изјави, половина од платата давал за кутија цигари и долго време живеел како потстанар.
Владо е голем вљубеник во морето, а со својот мотоцикл Харли Дејвидсон го пропатувал половина свет.
Сака да пие добро вино, да слуша приказни за риболов, да седи покрај водата, тренираше џудо, а еден од неверојатните факти за него е тоа што се искачи на Хималаите.
Долги години е во хармонична вонбрачна заедница со 14 години помладата манекенка Милица Самарџија.
Владо вели дека не сака жени кои се наметливи и доминантни во општеството, но го привлекуваат оние кои се нормални и умерени. Тој изјави дека ги изневерувал своите поранешни партнерки, но и дека бил изневеруван.
Убавата Милица ја запозна на кастингот за спотот „Искрено“. За неговиот 40-ти роденден, парот организираше лажна свадба каде што и двајцата рекоа не.
Тие ги поканија пријателите и роднините во ресторан во Кошутњак, а гостите славеникот ги пречека со Милица и матичарот. Меѓутоа, кога матичарот ги прашал Владо и Милица дали се спремни да се венчаат, тие и двајцата од ведро небо рекле „не“.
Во една прилика Владо изјави:
„Не би рекол дека Милица се адаптирала, туку дека сме „тенџере и капак“. И двајцата мислиме потполно исто, почнувајќи од тоа што сме против венчавка. Нас нè интересираат само фактите, само она што е навистина важно“.
Влада и Милица имаат две ќерки - Софија и Елена.
Во текот на својата кариера која трае повеќе од 20 години, Владо објави три албуми, а повеќето од неговите песни имаат „скриена симболика“ од неговото романтично минато.
Песната „Reci mi da znam“ ја посвети на својата поранешна девојка која наводно го изневерувала со друга девојка. Се шпекулира и дека песната „Lažljiva“ и ја посветил на Наташа Беквалац со која претходно бил во врска.
Песната „Šta bi prijatelji moji“ ја посвети на своите пријатели, односно на љубовен пар, иако сите сметаат дека е автобиографска.
извор:zadovoljnja.nova
