Таа е менаџерка на најголемиот легален бордел во Европа: Открива дека мажите често користат услуги и бегаат без да платат

Добивај вести на Viber

Кетрин де Ноар, жената која управува со еден од најголемите легални бордели во Европа, откри детали за безбедносниот протокол познат како „правило на осум секунди“.

 Тоа не е само препорака, туку строго правило што ја гарантира сигурноста на сите вработени.

Таа веќе подолго време го води овој бизнис низ кој дневно минуваат меѓу 500 и 1.000 клиенти. Кетрин отворено зборува за своето искуство и нагласува дека безбедноста секогаш е на прво место.

Во видео објавено на Instagram, таа објаснува дека сите соби се опремени со паник-тастер – дискретно копче кое се користи во случај на опасност. 

Кога вработената ќе го притисне, во самата просторија не се слуша ништо, но во просторијата за обезбедување веднаш се активира аларм и се прикажува бројот на собата.

„Имаме правило на осум секунди – тоа значи дека по притискањето на копчето, обезбедувањето мора да пристигне до собата за најмногу осум секунди,“ вели Де Ноар.

За да се почитува овој протокол, вработените и телохранителите редовно минуваат обуки и симулации. Кога ќе се активира алармот, најмалку двајца чувари тргнуваат кон собата, ги отклучуваат вратите и ја смируваат ситуацијата.

„Ова не е само деловна обврска – тоа е гаранција дека секоја жена тука е заштитена,“ истакнува Кетрин, додавајќи дека токму брзата реакција и строгата дисциплина се причината зошто нивниот објект важи за еден од најбезбедните во Европа.