Утринската прегратка ја менува целата енергија: Три причини зошто денот треба да почне со блискост
Во свет исполнет со обврски, стрес и брзање, малите гестови добиваат сè поголемо значење.
Еден од најмоќните и најприродни начини да се започне денот со позитивна енергија е – утринската прегратка. Без разлика дали го прегрнувате својот партнер, дете, родител или дури и милениче, допирот носи низа психолошки и емоционални придобивки. Еве три причини зошто утринската прегратка треба да стане ваша секојдневна навика:
1. Го намалува стресот и го зголемува хормонот на среќа
Прегратката предизвикува ослободување на окситоцин – хормон познат како „хормон на љубовта“. Тој природно го намалува нивото на кортизол (хормонот на стрес), што ви помага да започнете денот посмирено и поисполнето. Само 20 секунди нежна прегратка има ефект како медитација – телото се релаксира, а срцето чука побавно и посреќно.
2. Ја зајакнува емотивната поврзаност со блиските
Во утринскиот метеж, често ги забораваме блиските – трчање по обврски, облека, кафе… Но, само една кратка прегратка носи порака: „Тука сум, те сакам, важно ми е што си покрај мене.“ Овој гест создава чувство на сигурност и доверба, особено кај децата и партнерите, кои така го започнуваат денот со позитивна емоционална основа.
3. Го подобрува здравјето и го буди телото
Физичкиот допир наутро делува како природен „будилник“. Прегратката го активира телото, го подобрува крвотокот и го зајакнува имунитетот. Луѓето кои редовно прегрнуваат имаат пониско ниво на крвен притисок и се поретко настинуваат – велат научните студии.
Прегратката не чини ништо, а вреди бескрајно многу. Почнете го денот со допир, љубов и топлина – тоа е наједноставниот начин да бидете посреќни, поблиски и поздрави. Блискоста не е луксуз – таа е потреба.
