Утринско туширање, или туш пред спиење? Со топла или ладна вода? Еве која е најдобрата формула за балансиран животен ритам
Едно од секојдневните прашања за лична хигиена што ги дели луѓето е: дали е подобро да се тушираме наутро или навечер?
Исто така, не е мал бројот на оние кои се прашуваат дали туширањето со топла или ладна вода има поголем бенефит за телото и умот.
Утринско туширање – за енергија и фокус
Туширањето наутро е особено препорачливо за луѓе кои тешко се будат или им треба поттик за подобра концентрација. Струјата на вода, особено ако е млака или поладна, го активира циркулаторниот систем, го забрзува пулсот и го буди телото.
Психолозите исто така велат дека утринскиот туш помага во поставување позитивен тон за остатокот од денот, делува како мала медитација и ја зголемува продуктивноста.
Вечерно туширање – за опуштање и подобар сон
Од друга страна, вечерното туширање помага за смирување на телото и умот по напорен ден. Соодветно е за оние кои страдаат од несоница, бидејќи топлиот туш ја намалува телесната температура по бањањето, што е природен сигнал за телото дека е време за спиење.
Дополнително, од хигиенски аспект, се отстрануваат нечистотиите и бактериите што се насобрале во текот на денот, што е особено важно ако сте биле надвор или во гужва.
Топла или ладна вода?
Топлиот туш релаксира мускули, ги отвора порите и помага во намалување на стресот. Но, честото туширање со многу топла вода може да ја исуши кожата. Ладната вода, пак, го зајакнува имунитетот, ја затега кожата и дава енергетски „шок“ кој буди.
Комбинираниот пристап – на пример, топол туш навечер и брз ладен наутро – е можеби најдобрата формула за балансиран животен ритам.
