(ВИДЕО) Луксузна табуретка од пластична кофа: Направете сами декоративен детаљ и место за складирање
Обична пластична кофа може да стане многу интересен детаљ во просторијата, благодарение на креативната идеја заснована на принципот „направи сам дома“.
Заедно со кофата, потребен ви е малку сунѓер, украсна ткаенина и украсни копчиња, како и едноставна алатка што може да се користи за многу други слични проекти. Имено, треба да имате мал „пиштол“ за топол лепак, како и столарска хефталица.
За обложување на кофата се користи сунѓер со дебелина од 1 см, кој треба да се залепи на целата надворешна површина. Обележете ги местата каде што ќе ги ставите „копчињата“ на тапацирот, цртајќи крстови со фломастер. Исечете го сунѓерот на тие места со врвот на ножиците. Премачкајте ја целата површина на сунѓерчето со тенок синтетички филц за полнење и повторете ја постапката со отвори за копчиња.
Сега залепете ја декоративната ткаенина што сте ја одбрале за да ја обложите оваа столица. Копчињата захефтајте ги на обележаните места, тоа дополнително ќе го затегне материјалот. Залепете украсни копчиња или нитни со топол лек во добиените вдлабнатини.
Внатре, остануваат многу остри врвови, затоа внимателно свиткајте ги навнатре користејќи посилна алатка - како масивни затворени ножици.
Сега обложете ја целата внатрешност со подебела хамер хартија. Внимателно лепете ја хартијата, покривајќи го работ на ткаенината.
Ако кофата има капак, користете го. Но, во видеото има и како да направите сами од неколку дебели слоеви картон. Како и кофата, треба да се покрие на ист начин: со сунѓер, синтетички филц, а потоа со декоративна ткаенина. Погледнете го видео клипот, проектот е забавен и многу креативен. А покрај тоа ќе добиете уникатен детаљ и место за складирање.
