(ВИДЕО) 36 ГОДИНИ ПОДОЦНА: Смртта на актерката Натали Вуд не е несреќа, нејзиниот маж е главен осомничен

Добивај вести на Viber

Актерот Роберт Вагнер (87) полицијата после полни 36 години од смртта на неговата сопруга, актерката Натали Вуд, го прогласи за главен осомничен за тој случај. Најновото откритие јавно е изнесено во документарната серија „48 часа“, за животот на славната актерка и мистеријата околу нејзината смрт. -Вагнер последен ја видел Натали пред да исчезне, а после 6 години истражувања на овој случај заклучокот е дека Вагнер е главниот осомничен-наведува во спомнатиот серијал Џон Корин. Актерот кој денес е во брак со актерката Џили Сент Џон (77) не одговарал на повиците и пораките на британски Дејли меил. Инаку, Натали Вуд доживеала несреќа во 1981 година, на 43 години, кога наводно се удавила откако со Вагнер и актерот Кристофер Волкен тргнала со брод до островот Санта Каталина. Чудно е што цел живот имала фобија од длабоки води, бидејќи на нејзината мајка една гатачка и рекла дека ќе се удави. Нејзиното тело е пронајдено следното утро во морето, а на несреќата претходела претходна голема караница помеѓу Вагнер и Волкен. Вагнер, како што признал и самиот, бил љубоморен на односот на Волкен и неговата жена а тврдел дека тоа било несреќен случај. -Кога слушнав дека е мртва, паднав на колена. Се чувствував како зомби, а остатокот од денот ја тешев фамилијата-рекол Вагнер. Бидејќи наводите не се поклопувале, дететктивите били сомничави, а случајот повторно да се отвори побарала и сестрата на Натали, Лана. https://www.youtube.com/watch?v=y5VX-xfO-mA Роберт Вагнер по смртта на сопругата ја презел грижата за нивната ќерка Наташа, а тврдел дека Натали исчезнала во гумениот чамец. Кристофер Волкен за овој несреќен случај и за она што се случило таа кобна ноќ никогаш не сакал да зборува.