Светот не престанува да го интригира „Жената лилјак“: Дали таа ќе ја промени сликата за коронавирусот?

Добивај вести на Viber

Светската јавност пишува за вирологот Ши Женгли од Вухан, Кина, која ја откри коронарната секвенца на вирусот набрзо откако првиот случај беше пријавен во декември 2019 година во овој кинески град. Таа е повторно во очите на јавноста поради новото интервју во кое открива нови детали за нејзиното истражување и притисокот од кинеските власти на кои е изложена.

За „Жената лилјак“ како што ја нарекуваатпишуваше и реномираниот  „Мирор“ кој наведува дека нејзиното откритие на КОВИД-19 било мистерија бидејќи кинеските власти го диктирале темпото на утврдување на факти за новиот вирус.

Женгли е една од најголемите светски истражувачи за коронавирусите, откако откри десетици смртоносни вируси слични на САРС во пештерите на лилјаци - од каде потекнува нејзиниот прекар. Таа студирала примероци од првите пациенти во Кина кои заболеле од мистериозна респираторна болест и открила дека болеста е слична на САРС.

Таа го идентификуваше новиот вирус во рок од три дена, откривајќи дека тој е 96 проценти ист како вирусот пронајден кај лилјаците во Јунан. Ваквото откритие обично трае со месеци, а понекогаш и со години, но таа тоа го стори во рекордно време.

Кинеската новинарка Гао Ју разговарала со оваа жена додека била во затворот во Вухан (таа поминала два месеци таму), и и‘ рекла дека нејзините откритија се сокриени, објави неодамна кинески магазин.

„Откривме дека Институтот, каде работи уште од 2 јануари, има завршено секвенционирање на гени и слични тестови, но резултатите беа прекинати“, рече новинарката, додавајќи дека податоците за секвенционирање биле објавени само една недела подоцна.