Балканско чудо: Никој не знае колку е длабоко „Окото на земјата“ и како настанало ова дело на природата
На југоистокот на Хрватска, во подножјето на планината Динара, се наоѓа природен феномен што сè повеќе ја освојува љубопитноста на патниците од целиот свет – изворот на реката Цетина, познат како Окото на Земјата.
Овој неверојатен извор изгледа како огромно подводно око што гледа кон небото. Опкружен со карпи кои формираат совршен круг, во средината се спушта во длабока бездна со вода сино-зелена како смарагд. Роници досега истражиле повеќе од 120 метри длабочина, а боите и формата му го дале поетското име „Окото на Земјата“.
Изворот се наоѓа во близина на селото Цивљане, околу еден час возење северно од Сплит. До него може да се стигне автомобил или преку организирани тури кои често вклучуваат локален ручек, обиколка на блиските села и дегустација на вина.
Посетителите овде доаѓаат поради мирот, чистиот воздух и фасцинантната природа. Иако водата е кристално бистра, таа е исклучително студена, па капењето е предизвик и во најжешките летни денови.
Во непосредна близина се наоѓа и Паркот на природата Динара, прогласен во 2021 година, кој нуди бројни планинарски патеки и спектакуларни погледи. Најпозната е девет милји долгата рута што води до највисокиот врв во Хрватска.
Целата област на Далмација изобилува со пешачки и велосипедски патеки, пештери и историски локалитети — меѓу нив и прочуената Диоклецијанова палата во Сплит, стара повеќе од 1.700 години.
Ако барате место каде што се спојуваат природната убавина, мистеријата и спокојот, Окото на Земјата е дестинација што ќе ви остане во сеќавање засекогаш.
Фото извор: mojerazglednice.com
