Барате сезонска работа во странство: Еве кои професии најмногу се бараат и колкави се дневниците?!
Со доаѓањето на есента, илјадници сезонски работници од регионот заминуваат во ЕУ во потрага по брза заработка.
Според анализите за 2025 година, најисплатливите работни позиции во овој период се поврзани со жетвата на овошје и земјоделски активности, но висината на надоместокот значително се разликува од земја до земја.
На врвот на листата се наоѓа Норвешка, која иако не е членка на ЕУ, е дел од европскиот пазар на труд и важи за најатрактивна дестинација за сезонска работа. Таму дневниците се движат од 14 до 17 евра по час, што значи месечна заработка од 2.400 до 2.800 евра. Дополнителна предност се и честите бенефиции – бесплатен или субвенциониран сместувач и храна.
Меѓу земјите на Унијата, Луксембург и Шведска се издвојуваат како најплатени. Работата на жетва на грозје, јаболки или бобинки носи 13 до 15 евра по час во Луксембург, односно 2.200 до 2.600 евра месечно, додека во Шведска платите достигнуваат 12 до 16 евра на час или над 2.000 евра месечно.
Во Германија, која традиционално е една од најбараните дестинации, сезонските работници заработуваат од 9 до 15 евра по час, што значи 1.500 до 2.500 евра месечно. Малку пониски се платите во Франција, каде работата на винските лозја се плаќа 8 до 13 евра на час, додека Шпанија и Италија нудат 7 до 12 евра, што е меѓу 1.200 и 2.000 евра месечно.
Податоците покажуваат дека западните и северните европски земји обезбедуваат далеку подобри услови, не само поради повисоките плати, туку и поради дополнителните придобивки како сместувач, транспорт или оброци. За многу работници од Балканот, тоа е клучен фактор при изборот на дестинација.
Заклучокот е јасен – ако се бара најголема заработка во есенскиот период, Норвешка останува број еден, додека Луксембург и Шведска се најисплатливите дестинации во рамки на ЕУ. Сезонската работа и натаму останува важен извор на приход за многумина, а разликите во платите ја покажуваат нееднаквоста на европскиот пазар на труд.
М.С.К / EPA
